رابطہ عالم اسلامی کی اسرائیل کی جانب سے ”صومالی لینڈ“ میں ایلچی مقرر کرنے کے اعلان کی مذمت

رابطہ عالم اسلامی کی  اسرائیل کی جانب سے  ”صومالی لینڈ“ میں ایلچی مقرر کرنے کے اعلان کی مذمت

مکہ مکرمہ
رابطہ عالم اسلامی نے اسرائیل کی جانب سے نام نہاد ”صومالی لینڈ“ میں ایک سفارتی نمائندے کی تعیناتی کے اعلان کی شدید الفاظ میں مذمت کی ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے اس قابلِ مذمت اقدام کو وفاقی جمہوریہ صومالیہ کی خودمختاری اور اس کی علاقائی وحدت کے خلاف کھلی جارحیت قرار دیا۔ انہوں نے کہا کہ یہ اقدام علاقائی اور بین الاقوامی امن وسلامتی کے لیے خطرہ ہے، اور بین الاقوامی قانون، اقوامِ متحدہ کے منشور، اور افریقی اتحاد کے تاسیسی قانون کے اصولوں کی صریح خلاف ورزی کے زمرے میں آتا ہے۔ عزت مآب نے صومالیہ کی علاقائی سالمیت، خود مختاری اور عوامی امنگوں کی ترجمان وہاں کی قانونی حکومت و اداروں کے ساتھ رابطہ کی جانب سے مکمل تعاون اور یکجہتی کے عزم کا اعادہ کیا۔