رابطہ عالم اسلامی کی جانب سے پاکستان کے شہر بنوں میں پولیس اسٹیشن پر دہشت گرد حملے کی شدید مذمت

رابطہ عالم اسلامی کی جانب سے پاکستان کے شہر بنوں میں پولیس اسٹیشن پر دہشت گرد حملے کی شدید مذمت

مکہ مکرمہ:

رابطہ عالم اسلامی نے اسلامی جمہوریہ پاکستان کے شہر ”بنوں“ میں ایک پولیس اسٹیشن پر دہشت گرد حملے کی شدید الفاظ میں مذمت کی  ہے۔

رابطہ کے جنرل سیکرٹریٹ سے جاری ایک  بیان  میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے  اس المناک حادثے پراسلامی جمہوریہ پاکستان کے ساتھ مکمل یکجہتی کا اظہار کیا اور ملک کی سلامتی واستحکام کو خطرے میں ڈالنے والی ہر کوشش کے خلاف بھرپور تعاون کا اعادہ کیا۔ انہوں نے تشدد اور دہشت گردی کو اس کی تمام شکلوں اور نام نہاد جوازوں کے ساتھ مسترد کرنے اور اس کی مذمت کے حوالے سے رابطہ کے اصولی موقف کو دہرایا۔

ڈاکٹر العيسی  نے شہداء کے لواحقین اور تمام پاکستانی عوام سے دلی تعزیت کا اظہار کرتے ہوئے دعا کی  کہ اللہ تعالیٰ مرحومین کو اپنی رحمتِ واسعہ میں ڈھانپ لے، انہیں جوارِ رحمت میں جگہ عطا فرمائے اور زخمیوں کو جلد اور کامل شفا نصیب فرمائے۔