رابطہ عالم اسلامی کی جانب سے قابض حکومت کی طرف سے نمازیوں کے لیے مسجدِ اقصیٰ کے دروازے بند رکھے جانے کے تسلسل کی شدید مذمت

رابطہ عالم اسلامی کی جانب سے قابض حکومت کی طرف سے نمازیوں کے لیے مسجدِ اقصیٰ کے دروازے بند رکھے جانے کے تسلسل کی شدید مذمت

مکہ مکرمہ

رابطہ عالم اسلامی نے قابض اسرائیلی حکومت کی جانب سے رمضان المبارک کے دوران مسلمان نمازیوں کے لیے مسجدِ اقصیٰ (حرمِ قدسی شریف) کے دروازے مسلسل بند رکھنے کے اقدام کی شدید ترین الفاظ میں مذمت کی ہے۔
رابطہ کے جنرل سیکرٹریٹ سے جاری ایک بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبدالکریم العیسیٰ نے اس جارحیت کی مذمت کی، جو اسلامی مقدسات کی حرمت کو نشانہ بناتی ہے۔
ڈاکٹر العیسی نے  اس بات پر زور دیا کہ عالمی برادری اپنی قانونی اور اخلاقی ذمہ داریوں کو پورا کرتے ہوئے القدس میں مذہبی مقدسات کی حرمت کی پامالی کے اس سنگین اور مسلسل سلسلے کو فوری طور پر رکوانے کے لیے اپنا مؤثر کردار ادا کرے۔