رابطہ عالم اسلامی کی عراقی فضائی حدود سے آنے والے ڈرونز کے ذریعے مملکتِ سعودی عرب پر حملوں کی شدید مذمت

رابطہ عالم اسلامی کی عراقی فضائی حدود سے آنے والے ڈرونز کے ذریعے مملکتِ سعودی عرب پر حملوں کی شدید مذمت

مکہ مکرمہ:
رابطہ عالم اسلامی نے عراق کی فضائی حد
ود سے آنے والے ڈرون طیاروں کے ذریعے مملکتِ سعودی عرب پر  کیے جانے والے حملوں کی شدید الفاظ میں مذمت   مذمت کرتے ہوئے، ان ڈرونز کا مؤثر طور پر مقابلہ کرنے اور ان کی جارحیت ناکام بنانے میں اعلیٰ دفاعی صلاحیت کو سراہا ہے۔

رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے ان مجرمانہ اور بزدلانہ حملوں کی مذمت کا اعادہ کرتے ہوئے کہا کہ یہ اقدامات تمام دینی اقدار، اور بین الاقوامی و انسانی قوانین اور روایات کی صریح خلاف ورزی ہیں۔

ڈاکٹر العیسی نے رابطہ کی اکیڈمیز، ادارہ جات اور عالمی کونسلز کی جانب سے، نیز اس کے زیرِ سایہ شامل تمام اسلامی اقوام کی نمائندگی کرتے ہوئے، مملکتِ سعودی عرب کے ساتھ مکمل یکجہتی کا اعادہ کیا، اور کہا کہ رابطہ عالم اسلامی ان تمام اقدامات کی مکمل حمایت کرتا ہے جو مملکت کے امن، خودمختاری، شہریوں اور اس کی سرزمین پر مقیم افراد كے تحفظ کے لیے اختیار کیے جائیں۔ انہوں نے دعا کی کہ اللہ تعالیٰ مملکتِ سعودی عرب کو، اس کی سرزمین، قیادت اور عوام سمیت، ہر شر اور برائی  سے محفوظ رکھے۔