رابطہ عالم اسلامی کی جانب سے مملکتِ بحرین کے قومی امن کے تحفظ کے لیے اٹھائے گئے اقدامات کی حمایت کا اعادہ

رابطہ عالم اسلامی کی جانب سے مملکتِ بحرین کے قومی امن کے تحفظ کے لیے  اٹھائے گئے اقدامات کی حمایت کا اعادہ

مکہ مکرمہ:
رابطہ عالم اسلامی نے مملکتِ بحرین کی جانب سے اپنے قومی امن، استحکام اور خودمختاری کے تحفظ کے لیے اختیار کیے جانے والے تمام اقدامات کی مکمل حمایت کا اظہار کیا ہے، اور اس تناظر میں بحرینی سکیورٹی اداروں کی مسلسل کامیابیوں اور پیشہ ورانہ کارکردگی کو سراہا ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے مملکتِ بحرین کی قیادت اور عوام کے ساتھ رابطہ کی مکمل یکجہتی کا ایک بار پھر اعادہ کرتے ہوئے کہا کہ رابطہ ان تمام خودمختار اقدامات کی حمایت کرتا ہے جو داخلی امن کو نقصان پہنچانے، استحکام کو متزلزل کرنے اور بیرونی مداخلتوں کو ہوا دینے والی سرگرمیوں کا سدباب کرنے کے لیے کیے جا رہے ہیں۔انہوں نے اس امر پر زور دیا کہ بحرین کی سلامتی، اس کے شہریوں اور مقیم افراد کے تحفظ، اور قومی استحکام کو برقرار رکھنے کے لیے کیے جانے والے یہ اقدامات نہایت اہم اور قابلِ حمایت ہیں۔