رابطہ عالم اسلامی کی جانب سے مقبوضہ مغربی کنارے میں اراضی کی رجسٹریشن سے متعلق قابض حکومت کے فیصلے کی شدید مذمت

مکہ مکرمہ:

رابطہ عالم اسلامی نے مقبوضہ مغربی کنارے میں اراضی کی رجسٹریشن کے طریقہ کار اور وسیع رقبے کو قابض حکام کی نام نہاد ”سرکاری اراضی“ میں تبدیل کرنے سے متعلق قابض اسرائیلی حکومت کے فیصلے کی شدید مذمت کی ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل عزت مآب شیخ ڈاکٹر محمد بن عبد الکریم العیسی نے عالمی برادری پر ایک بار پھر زور دیا کہ وہ ان خلاف ورزیوں کو روکنے کے لیے اپنی قانونی اور اخلاقی ذمہ داریاں پوری کرے۔ انہوں نے مطالبہ کیا کہ بین الاقوامی فیصلوں اور اپیلوں کے نفاذ کے لیے سنجیدہ موقف اختیار کیا جائے، جن میں سلامتی کونسل کی قراردادیں اور اقوام متحدہ کی جنرل اسمبلی سے تائید شدہ دو ریاستی حل سے متعلق ”نیویارک اعلامیہ“شامل ہیں، جو فلسطینی عوام کے اپنے حقِ خودارادیت اور اپنی آزاد ریاست کے قیام کے غیر متزلزل تاریخی حق کی ضمانت دیتے ہیں۔