رابطہ عالم اسلامی نے قابض اسرائیلی حکومت کی افواج کی جانب سے عرب جمہوریہ شام کے قصبہ کویا پر وحشیانہ بمباری کی شدید مذمت کی ہے

بیان
مکہ مکرمہ:

رابطہ عالم اسلامی نے قابض اسرائیلی حکومت کی افواج کی جانب سے عرب جمہوریہ شام کے قصبہ کویا پر وحشیانہ بمباری کی شدید مذمت کی ہے، جس کے نتیجے میں درجنوں بے گناہ افراد جاں بحق اور زخمی ہوئے۔
رابطہ کے جنرل سیکرٹریٹ سے جاری بیان میں، سیکرٹری جنرل، چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے اسرائیل کے اس مجرمانہ طرزِ عمل کی سخت الفاظ میں مذمت کی، جو نہ صرف بین الاقوامی قوانین اور روایات کی کھلی خلاف ورزی ہے بلکہ شام اور پورے خطے کے امن و استحکام کو دانستہ طور پر نقصان پہنچانے کے مترادف ہے۔انہوں نے نے عالمی برادری سے مطالبہ کیا کہ وہ ان سنگین خلاف ورزیوں کے خلاف فوری اور مؤثر اقدامات کرے تاکہ بے گناہ شہریوں کے خلاف جاری ان مظالم کو روکا جا سکے۔
ڈاکٹر العیسی  نے شام اور اس کے عوام کے ساتھ مکمل یکجہتی کا اظہار کرتے ہوئے کہا کہ رابطہ ہر اس اقدام کی حمایت کرتا ہے جو شام کی خودمختاری، وحدت اور استحکام کے تحفظ کے لیے ضروری ہو۔