منی:
رابطہ عالم اسلامی نے اس سال موسم حج 1443 کی کامیابی پرمملکت سعودی عرب کی قیادت اور عوام کو مبارکباد پیش کرتے ہوئے شاندار حج پلان کو سراہا جس میں کوویڈ 19 کے موجودہ خطرات اور اس کے نتائج کی رعایت رکھتے ہوئے حج کے دوران حجاج کرام کی صحت کے اعلی ترین معیار کو برقرار رکھا گیا ۔
رابطہ نے اپنے سیکرٹری جنرل اور چیئرمین مسلم علماء کونسل عزت مآب شیخ ڈاکٹر محمد بن عبدالکریم العیسی کے ایک بیان میں کہاہے کہ عالم اسلام اس سال کے انتظامات اور حج کی شاندار کامیابی کو قدر کی نگاہ سے دیکھ رہی ہے ۔انہوں نے وضاحت کرتے ہوئےکہ رابطہ عالم اسلامی کو عالم اسلام کے علمائے کرام ومفتیان عظام کی طرف سے متعدد پیغامات موصول ہوئے جس میں ان حضرات نے خادم حرمین شریفین اور ان کے ولی عہد حظفہما اللہ کی حکومت کی طرف سے ضیوف الرحمن کو پیش کردہ عظیم خدمات کی تعریف کی۔انہوں نے مملکت سعودی عرب کی جانب سے امت مسلمہ او ران کے مسائل میں دلچسپی، حرمین شریفین اور اور ان کے عازمین کی خدمت اور حجاج کرام کو بحفاظت و سہولت مناسک حج کی ادائیگی کے لئے مملکت کی جانب سے پیش کردہ عظیم کاوشوں کو سراہا۔
ڈاکٹر العیسی نے اللہ تعالی سے دعا کرتے ہوئے کہاکہ وہ خادم حرمین شریفین شاہ سلمان بن عبد العزیز آل سعود اور ان کے ولی عہد شہزادہ محمد بن سلمان بن عبد العزیز آل سعود -حفظہما اللہ- کو جزائے خیر عطا فرمائے۔ ضیوف الرحمن کا حج قبول فرمائے اور انہیں ان کے گھر اور اہل وعیال کے پاس بحفاظت واپس لوٹائے، اور اس عظیم موقع کو تمام مسلمانوں کے لئے دوبارہ لائے جبکہ وہ بہتر حالت میں ہوں ۔
Monday, 11 July 2022 - 15:49
