صدرِ نائجیریا نے رابطہ عالم اسلامی کے سیکرٹری جنرل کا استقبال کیا
ابوجا:
نائجیریا کے صدر جناب بولا احمد تینوبو نے دارالحکومت ابوجا کے صدارتی محل میں رابطہ عالم اسلامی کے سیکرٹری جنرل اور چیئرمین مسلم علماء کونسل، عزت مآب شیخ ڈاکٹر محمد العیسی کا استقبال کیا۔
صدرِ محترم نے مغربی افریقہ میں معاشرتی امن کے لیے رابطہ عالم اسلامی کے اقدام کو سراہتے ہوئے ’’اعلانِ ابوجا‘‘ کے لیے اپنی مکمل حمایت کی یقین دہانی کرائی، جس میں لائحۂ عمل، عملی پروگرام اور مشترکہ تعاون کے لیے رابطہ کمیٹی کا قیام شامل ہے۔
اس موقع پر ڈاکٹر العیسی نے دارالحکومت ابوجا میں رابطہ عالم اسلامی کے اقدام سے متعلق کانفرنس کی سرپرستی پر صدرِ محترم کا شکریہ ادا کیا۔ کانفرنس میں مغربی افریقہ کی مختلف مذہبی قیادت نے اپنے تمام تر تنوع کے ساتھ شرکت کی تھی۔
