رابطہ عالم اسلامی نے قابض اسرائیلی حکومت کی فوج کی جانب سے عرب جمہوریہ شام کی سرزمین پر بمباری کی شدید مذمت کی ہے۔

مکہ مکرمہ:
رابطہ عالم اسلامی نے قابض اسرائیلی حکومت کی فوج کی جانب سے عرب جمہوریہ شام کی سرزمین پر بمباری کی شدید مذمت کی ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ، چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے اسرائیل کے اس وحشیانہ طرزِ عمل کی مذمت کی، جو بین الاقوامی قوانین اور روایات کی کھلی خلاف ورزی اور خطے کے امن و استحکام کو نقصان پہنچانے کا باعث ہے۔ انہوں نے عالمی برادری سے مطالبہ کیا کہ وہ ان سنگین خلاف ورزیوں کے خلاف فوری اور مؤثر اقدامات کرے۔
ڈاکٹر العیسی نے شامی عوام کے ساتھ مکمل یکجہتی کا اظہار کرتے ہوئے اس عزم کا اعادہ کیا کہ  رابطہ ہر اس اقدام کے خلاف شامی عوام کے ساتھ شانہ بشانہ کھڑا ہے ، جو ان کے امن، استحکام، ملکی خودمختاری اور جغرافیائی وحدت کو نقصان پہنچانے کا باعث بنے۔