رابطہ عالم اسلامی کی عراق سے آنے والے ڈرونز کے ذریعے سعودی عرب کو نشانہ بنانے کی شدید مذمت
مکہ مکرمہ:
رابطہ عالم اسلامی نے سعودی عرب کے ریاض اور مدینہ منورہ کے علاقوں میں مشرق ومغرب پائپ لائن کو عراق سے آنے والے متعدد ڈرونز کے ذریعے نشانہ بنانے کی شدید الفاظ میں مذمت کی ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے ایک بار پھر ان بزدلانہ مجرمانہ حملوں کی شدید مذمت کرتے ہوئے کہا کہ یہ کارروائیاں تمام دینی اقدار، بین الاقوامی قوانین اور انسانی روایات کی صریح خلاف ورزی ہیں۔
ڈاکٹر العیسی نے رابطہ کے تمام عالمی اداروں، اکیڈمیوں اور کونسلوں، نیز اس کے زیرِ سایہ تمام اسلامی اقوام کی جانب سے مملکتِ سعودی عرب کے ساتھ مکمل یکجہتی کا اعادہ کرتے ہوئے اس امر پر زور دیا کہ رابطہ جارحیت کا ارتکاب کرنے والوں کو روکنے، مملکت کی سلامتی اور خودمختاری، نیز اپنے شہریوں اور اپنی سرزمین پر مقیم افراد کے تحفظ کے لیے کیے جانے والے تمام اقدامات کی بھرپور تائید کرتی ہے۔ انہوں نے اللہ تعالیٰ سے دعا کی کہ وہ مملکتِ سعودی عرب کی سرزمین، قیادت اور عوام کو ہر قسم کے شر اور آفت سے محفوظ رکھے۔
