رابطہ عالم اسلامی کی کویت اور بحرین پر مسلسل ایرانی جارحیت کی شدید مذمت
مکہ مکرمہ:
رابطہ عالم اسلامی نے ریاستِ کویت اور مملکتِ بحرین پر ایران کی مسلسل جارحیت کی شدید الفاظ میں مذمت کی ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے ایک بار پھر ایرانی مجرمانہ حملوں کی مذمت کرتے ہوئے کہا کہ ایران کی یہ مسلسل جارحانہ کارروائیاں دینی اقدار، بین الاقوامی قوانین اور انسانی روایات کی صریح خلاف ورزی ہیں، اور خطے میں امن واستحکام کی بحالی کی کوششوں کوسبوتاژ کررہی ہیں۔
آپ نے ریاستِ کویت اور مملکتِ بحرین کے ساتھ مکمل یکجہتی کا اظہار کرتے ہوئے اس امر پر زور دیا کہ رابطہ ہر اُس اقدام میں ان دونوں ممالک کے ساتھ کھڑی ہے جو وہ اپنے امن، خودمختاری، اور اپنے شہریوں ومقیم افراد کی سلامتی کے تحفظ کے لیے اٹھائیں۔
