رابطہ عالم اسلامی کی جانب سے نیامی بین الاقوامی ہوائی اڈے پر دہشت گرد حملے کی شدید مذمت
مکہ مکرمہ:
رابطہ عالم اسلامی نے جمہوریہ نائجر کے نیامی بین الاقوامی ہوائی اڈے پر ہونے والے دہشت گرد حملے کی سخت ترین الفاظ میں مذمت کی ہے، جس کے نتیجے میں قیمتی جانوں کا نقصان ہوا۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے جمہوریہ نائجر کے ساتھ مکمل یکجہتی کا اظہار کرتے ہوئے کہا کہ رابطہ ہر اُس خطرے کے مقابلے میں نائجر کے ساتھ کھڑی ہے جو اس کے امن، استحکام اور عوام کی سلامتی کو نقصان پہنچانے کی کوشش کرے۔ آپ نے ایک بار پھر اس امر پر زور دیا کہ رابطہ عالم اسلامی ہر قسم کے تشدد اور دہشت گردی کو اس کی تمام شکلوں اور جوازوں سمیت قطعی طور پر مسترد اور قابلِ مذمت سمجھتی ہے۔
ڈاکٹر العیسی نے جاں بحق افراد کے اہلِ خانہ، نائجر کی حکومت اور عوام سے دلی تعزیت اور ہمدردی کا اظہار کرتے ہوئے زخمیوں کے لیے جلد صحت یابی کی دعا کی۔
