رابطہ عالم اسلامی کی جانب سے لبنان پر اسرائیلی جارحیت کی مذمت
مکہ مکرمہ:
رابطہ عالم اسلامی نے جمہوریہ لبنان کے خلاف اسرائیلی جارحیت اور اس کی سرزمین میں فوجی دراندازی کی شدید مذمت کی ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے جمہوریہ لبنان اور اس کی قومی خودمختاری کے خلاف اس جارحیت کی سخت مذمت کرتے ہوئے کہا کہ یہ اقدام بین الاقوامی اور انسانی قوانین و ضوابط کی سنگین خلاف ورزی ہے۔آپ نے لبنان کے عوام کے لیے امن واستحکام کے قیام، ریاستی خودمختاری کے استحکام، اور لبنانی حکومت کے فیصلوں، معاہدۂ طائف اور متعلقہ بین الاقوامی معاہدات کے مطابق پورے لبنانی علاقے پر ریاست اور اس کے قانونی اداروں کی عمل داری کے فروغ کے لیے کی جانے والی تمام کوششوں کی حمایت کا اعادہ کیا۔
