رابطہ عالم اسلامی کی جانب سے اسلامی جمہوریہ پاکستان کے صوبہ بلوچستان میں پولیس اور فوج کے اہلکاروں پر مسلح حملوں کی شدید مذمت
مکہ مکرمہ:
رابطہ عالم اسلامی نے اسلامی جمہوریہ پاکستان کے صوبہ ’’بلوچستان ‘‘ میں پولیس اور فوج کے اہلکاروں پر ہونے والے مسلح حملوں کی شدید الفاظ میں مذمت کی ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبدالکریم العیسی نے ایک بار پھر اس امر کا اعادہ کیا کہ رابطہ ہر قسم کے تشدد اور دہشت گردی کو اس کی تمام شکلوں اور جوازوں سمیت قطعی طور پر مسترد اور قابلِ مذمت سمجھتی ہے۔ آپ نے اس المناک سانحے پر اسلامی جمہوریہ پاکستان کے ساتھ مکمل یکجہتی کا اظہار کرتے ہوئے کہا کہ رابطہ پاکستان کی اُن تمام کوششوں کی حمایت کرتی ہے جو اس کے امن، استحکام اور عوام کی سلامتی کے تحفظ کے لیے کی جا رہی ہیں۔
ڈاکٹر العیسی نے جاں بحق ہونے والوں کے لواحقین اور تمام پاکستانی عوام سے دلی تعزیت اور گہرے دکھ کا اظہار کرتے ہوئے اللہ تعالیٰ سے دعا کی کہ وہ مرحومین کو اپنی جوارِ رحمت میں جگہ دے اور انہیں جنت الفردوس میں اعلیٰ مقام عطا فرمائے۔
