رابطہ عالم اسلامی کی ادلب میں ابو الظہور ایئرپورٹ پر اسرائیلی فضائی حملوں کی شدید مذمت
مکہ مکرمہ:
رابطہ عالم اسلامی نے عرب جمہوریہ شام کے صوبہ ادلب میں ابو الظہور فوجی ایئرپورٹ پر اسرائیلی فضائی حملوں کی شدید الفاظ میں مذمت کرتے ہوئے انہیں تمام بین الاقوامی قوانین اور روایات کی صریح خلاف ورزی قرار دیا ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے عرب جمہوریہ شام کی خودمختاری اور قومی وسائل کے خلاف اس جارحیت کی سخت مذمت کرتے ہوئے، ہر اس خطرے کے مقابلے میں عرب جمہوریہ شام کے ساتھ مکمل یکجہتی کا اعادہ کیا جو اس کی سلامتی، خودمختاری اور عوام کے تحفظ کے لیے خطرہ ہو۔
