رابطہ عالم اسلامی دنیا بھر میں مہاجرین اور بے گھر افراد کے مسائل کو خصوصی اہمیت دیتی ہے۔ یہ توجہ اُن اسلامی اقدار سے ماخوذ ہے جو انسانی وقار کو بلند مقام دیتی ہیں، ضرورت مندوں کی امداد کی ترغیب دیتی ہیں، کمزور اور متاثرہ طبقات کے تحفظ پر زور دیتی ہیں، اور ان کے باوقار، محفوظ اور مستحکم زندگی گزارنے کے حق کی حمایت کرتی ہیں۔
مہاجرین کے عالمی دن کے موقع پر ، رابطہ عالمی تنظیموں اور حکومتوں کے ساتھ اشتراکِ عمل کے ذریعے دنیا کے مختلف ممالک میں مہاجرین اور بے گھر افراد کی امداد کے لیے اپنی انسانی ذمہ داریاں مسلسل ادا کر رہی ہے۔ ان خدمات میں رہائش، تعلیم، طبی سہولیات، بچوں کا تحفظ اور خاندانوں کی کفالت کے ساتھ ساتھ سماجی ہم آہنگی اور استعدادِ کار میں اضافے کے پروگرام شامل ہیں؛ جس کا مقصد ان کے مسائل کو کم کرنا، انہیں نئی زندگی کی امید دلانا اور انہیں نئے معاشروں کا فعال رکن بنانا ہے۔ یہ تمام تر کوششیں متعلقہ حکومتوں کے ساتھ مکمل ہم آہنگی اور ان کی براہِ راست نگرانی میں انجام دی جا رہی ہیں۔
