 رابطہ عالم اسلامی کی سعودی آئل ٹینکر’’ودیان‘‘ اور قطری آئل ٹینکر ’’ الرکیات ‘‘پر ایرانی حملوں کی شدید مذمت
مکہ مکرمہ:
رابطہ عالم اسلامی نے آبنائے ہرمز سے گزرنے کے دوران سعودی آئل ٹینکر ٹینکر’’ودیان‘‘ اور قطری آئل ٹینکر ’’ الرکیات ‘‘ پر اسلامی جمہوریہ ایران کی جانب سے کیے گئے حملوں کی شدید الفاظ میں مذمت کی ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے ایک بار پھر ایرانی جارحانہ کارروائیوں کی مذمت کرتے ہوئے کہا کہ یہ مجرمانہ حملے دینی اقدار، بین الاقوامی قوانین اور انسانی روایات کی صریح خلاف ورزی ہیں، اور خطے میں امن و استحکام کی بحالی کی کوششوں کو نقصان پہنچا رہی ہیں۔
ڈاکٹر العیسی نے مملکت سعودی عرب اور ریاستِ قطر کے ساتھ مکمل یکجہتی کا اظہار کرتے ہوئے کہا کہ رابطہ عالم اسلامی ان دونوں برادر ممالک کی جانب سے اپنے امن، اپنے بحری جہازوں اور اپنے قومی مفادات کے تحفظ کے لیے کیے جانے والے تمام اقدامات کی مکمل حمایت کرتی ہے۔ انہوں نے ایران سے مطالبہ کیا کہ وہ فوری طور پر ہر ایسے اقدام سے باز آئے جو خطے کے امن، بین الاقوامی بحری جہاز رانی کے تحفظ اور توانائی کی ترسیل کے لیے خطرہ بن رہا ہو۔
Post date
بدھ, 8 July 2026 -
[آفیشل بیانات](/ur/official-press-releases)
[](https://www.addtoany.com/share#url=https%3A%2F%2Fthemwl.org%2Fur%2Frabth-alm-aslamy-ky-swdy-ayl-ttynkrwdyan-awr-qtry-ayl-ttynkr-alrkyat-pr-ayrany-hmlwn-ky-shdyd-mdhmt&title=%D8%B1%D8%A7%D8%A8%D8%B7%DB%81%20%D8%B9%D8%A7%D9%84%D9%85%20%D8%A7%D8%B3%D9%84%D8%A7%D9%85%DB%8C%20%DA%A9%DB%8C%20%D8%B3%D8%B9%D9%88%D8%AF%DB%8C%20%D8%A2%D8%A6%D9%84%20%D9%B9%DB%8C%D9%86%DA%A9%D8%B1%E2%80%99%E2%80%99%D9%88%D8%AF%DB%8C%D8%A7%D9%86%E2%80%98%E2%80%98%20%D8%A7%D9%88%D8%B1%20%D9%82%D8%B7%D8%B1%DB%8C%20%D8%A2%D8%A6%D9%84%20%D9%B9%DB%8C%D9%86%DA%A9%D8%B1%20%E2%80%99%E2%80%99%20%D8%A7%D9%84%D8%B1%DA%A9%DB%8C%D8%A7%D8%AA%20%E2%80%98%E2%80%98%D9%BE%D8%B1%20%D8%A7%DB%8C%D8%B1%D8%A7%D9%86%DB%8C%20%D8%AD%D9%85%D9%84%D9%88%DA%BA%20%DA%A9%DB%8C%20%D8%B4%D8%AF%DB%8C%D8%AF%20%D9%85%D8%B0%D9%85%D8%AA)