 نائجیریا کے دارالحکومت ابوجا سے، صدرِ مملکت کی سرپرستی میں:
ڈاکٹر العیسی نے مغربی افریقہ میں سماجی امن کے لیے رابطہ عالم اسلامی کے اقدام کا آغاز کردیا
ابوجا:
رابطہ عالم اسلامی کے سیکرٹری جنرل اور چیئرمین مسلم علماء کونسل، عزت مآب [شیخ ڈاکٹر محمد بن عبدالکریم العیسی](https://mohammadalissa.com) نے نائجیریا کے دارالحکومت ابوجا میں رابطہ عالم اسلامی کے بین الاقوامی کانفرنس ”تنوع اور سماجی امن.. روشن مستقبل کے لیے شراکت داری“کے ذریعے مغربی افریقہ میں سماجی امن کے لیے رابطہ کے اقدام کا آغاز کیا۔
کانفرنس وفاقی جمہوریہ نائجیریا کے صدر جناب بولا احمد تینوبو کی سرپرستی میں منعقد ہوئی، جس میں اسلامی اور مسیحی مذہبی رہنماؤں، متعدد وزراء، اراکینِ پارلیمان اور سول سوسائٹی کی قیادت نے شرکت کی۔
کانفرنس میں خطے کے تمام مذاہب اور مکاتبِ فکر کی نمائندگی کرنے والی مذہبی قیادت کے اتفاقِ رائے سے ’’اعلانِ ابوجا‘‘ پر اتفاق کیا گیا، جس میں سرکاری اداروں کے درمیان مشترکہ لائحۂ عمل، اسلامی ومسیحی مذہبی قیادت کے باہمی تعاون، اور سول سوسائٹی کی تنظیموں کی شراکت داری کی منظوری دی گئی۔
اعلان میں ’’ میثاق مکہ مکرمہ ‘‘ سے متعلق علمی، تربیتی اور ابلاغی پروگراموں کے دائرۂ کار کو وسعت دینے کی بھی منظوری دی گئی، تاکہ امن، بقائے باہمی اور سماجی استحکام کو درپیش چیلنجز کا مقابلہ کیا جاسکے، بالخصوص تنازعات کی روک تھام اور مختلف مذہبی و نسلی تنوع پر مشتمل قومی ڈھانچے کے تحفظ کے شعبوں میں شراکت داری کو مزید مضبوط بنایا جاسکے۔
اسی طرح ’’مغربی افریقہ میں مذہبی و سول قیادت اور اداروں کی رابطہ کمیٹی‘‘ کے قیام کی بھی منظوری دی گئی، جو مشترکہ لائحۂ عمل میں طے شدہ ذمہ داریوں پر عمل درآمد کی نگرانی کرے گی، اس سے متعلق پروگراموں اور اقدامات کے درمیان رابطہ قائم کرے گی، اور ان کے مؤثر نفاذ، اہداف کے حصول اور باقاعدہ جائزے کو یقینی بنائے گی۔
قابلِ ذکر ہے کہ یہ اقدام ان فکری اور سماجی مسائل کی جڑوں سے نمٹنے کے لیے مرتب کیا گیا ہے جن میں انتہاپسندانہ افکار نمایاں ہیں۔ اس کا مقصد متعلقہ تمام فریقوں کے درمیان باقاعدہ معاہدوں کے ذریعے باہمی عزم، شراکت داری اور پائیدار تعاون کو یقینی بنانا ہے۔:
گزشتہاگلا
**Post date** بدھ, 12 August 2026 -
ٹیگز[خبریں](/ur/news)
[](https://www.addtoany.com/share#url=https%3A%2F%2Fthemwl.org%2Fur%2Fnayjyrya-ky-daralhkwmt-abwja-sy-sdri-mmlkt-ky-srprsty-myn-ddakttr-alysy-ny-mghrby-afryqh-myn-smajy&title=%D9%86%D8%A7%D8%A6%D8%AC%DB%8C%D8%B1%DB%8C%D8%A7%20%DA%A9%DB%92%20%D8%AF%D8%A7%D8%B1%D8%A7%D9%84%D8%AD%DA%A9%D9%88%D9%85%D8%AA%20%D8%A7%D8%A8%D9%88%D8%AC%D8%A7%20%D8%B3%DB%92%D8%8C%20%D8%B5%D8%AF%D8%B1%D9%90%20%D9%85%D9%85%D9%84%DA%A9%D8%AA%20%DA%A9%DB%8C%20%D8%B3%D8%B1%D9%BE%D8%B1%D8%B3%D8%AA%DB%8C%20%D9%85%DB%8C%DA%BA%3A%20%20%DA%88%D8%A7%DA%A9%D9%B9%D8%B1%20%D8%A7%D9%84%D8%B9%DB%8C%D8%B3%DB%8C%20%D9%86%DB%92%20%D9%85%D8%BA%D8%B1%D8%A8%DB%8C%20%D8%A7%D9%81%D8%B1%DB%8C%D9%82%DB%81%20%D9%85%DB%8C%DA%BA%20%D8%B3%D9%85%D8%A7%D8%AC%DB%8C%20%D8%A7%D9%85%D9%86%20%DA%A9%DB%92%20%D9%84%DB%8C%DB%92%20%D8%B1%D8%A7%D8%A8%D8%B7%DB%81%20%D8%B9%D8%A7%D9%84%D9%85%20%D8%A7%D8%B3%D9%84%D8%A7%D9%85%DB%8C%20%DA%A9%DB%92%20%D8%A7%D9%82%D8%AF%D8%A7%D9%85%20%DA%A9%D8%A7%20%D8%A2%D8%BA%D8%A7%D8%B2%20%DA%A9%D8%B1%D8%AF%DB%8C%D8%A7)